شی ٹیم نے عوامی نظام حمل و نقل میں، اسکول کالج بس اسٹاپس، میٹرو ٹرینز اور مختلف عوامی مقامات پر شعور بیداری مہم چلائی-
شی ٹیم نے لڑکیوں کو ہراساں اور چھیڑ چھاڑ کرنے والے منچلے نوجوانوں کو گرفتار کیا اور کم عمر طلبا کے والدین کے ساتھ کونسلنگ بھی کی-
شی ٹیم کے پانچ برس مکمل ہونے پر تاریخی چار مینار کے دامن میں ایک پروگرام منعقد کیا گیا جس میں حیدرآباد کے رکن پارلیمان اسدالدین اویسی، کمشنر انجنی کمار علاوہ سیاسی رہنماؤں اور اعلیٰ عہدیداروں نے شرکت کی۔
اس موقع پر طلباء طالبات اور خواتین کی کثیر تعداد موجود تھیں-
سٹی پولیس کمشنر انجنی کمار نے کہا کہ حیدرآباد میں سیکیورٹی پر خاص توجہ دی جارہی ہے۔ انہوں نے شی ٹیم کی کارکردگی کی ستائش کرتے ہوئے کہا کہ حیدرآباد ملک کا سب سے محفوظ مقام ہے۔
انہوں نے مزید کہا کہ پرانے شہر میں بہت جلد بھروسہ سنٹر اور شی ٹیم کے دفتر کا افتتاح کیا جائے گا۔
تقریب سے خطاب کرتے ہوئے اسدالدین اویسی نے شی ٹیم کی ستائش کی اور انہوں کہا کہ سائبر کرائم میں ریاست تلنگانہ دوسرے مقام پر ہے جبکہ سائبرکرائم کے ذریعہ خواتین کو ہراساں کیا جا رہا ہے- انہوں نے سائبر کرائم پر کنٹرول کرنے کی ضرورت پر زور دیا۔
اس موقع پرندوں کو آزاد کیا گیا، غباروں کو چھوڑا گیا اور لڑکیوں کو سیلف ڈیفنس کی تربیت دی گئی۔
