حیدرآباد: عالمی یوم خواتین کے موقع پر مئیر حیدرآباد جی وجئے لکشمی نے تمام خواتین کو مبارکباد پیش کی ہے۔ انہوں نے اپنے ویڈیو پیغام میں کہا کہ خواتین کا دوسرانام صبر ہے۔ ایک طرف گھر کے کام دوسری طرف ملازمت کی ذمہ داریاں اور پھر خاندان کی ذمہ داری ادا کرتے ہوئے خواتین کئی طرح کا رول ادا کرتی ہیں۔ Hyderabad Mayor on Women Day
تمام شعبہ جات میں آج کی خواتین آگے بڑھ رہی ہیں۔ ریاست میں گرام پنچایت کی سطح سے لے کرگریٹرحیدرآباد تک ہر جگہ خواتین کو 50 فیصدریزرویشن فراہم کئے جارہے ہیں۔ ایسا کرنے والی واحد ریاست تلنگانہ ہے۔
International Women's Week: راجوری میں یوم خواتین کے موقع پر پروگرام کا انعقاد
تلنگانہ میں خواتین کی بہبود کے لئے کئی اسکیمز متعارف کی گئی ہیں۔ساتھ ہی ان پر موثر طورپر عمل کیاجارہا ہے۔خواتین کو سیاسی طاقت فراہم کرتے ہوئے ان کی حوصلہ افزائی کرنے کا سہرا وزیراعلی کے چندرشیکھرراو کے سرجاتا ہے۔کلیانا لکشمی، شادی مبارک، کے سی آرکٹس جیسی اسکیمات سے فائدہ صرف خواتین ہی اٹھارہی ہیں۔خواتین کے تحفظ کیلئے شی ٹیمس کا قیام عمل میں لایاگیا ہے۔
یواین آئی
