ملک میں پھیلے کورونا وائرس کا خطرہ دن بہ دن بڑھتا جا رہا ہے تو وہیں اس وبا سے ہونے والی اموات میں بھی اضافہ ہوتا جا رہا ہے۔
اس وبا کے وائرس سے بچنے کے لیے جہاں احتیاط برتا جا رہا ہے، تو وہیں کورونا سے ہونے والی موت کی تدفین میں بھی مکمل طور سے بھی احتیاط برتا جا رہا ہے۔
شہر حیدر آباد میں کورونا سے ہونے والی موت کے لیے ایک قبرستان مختص کی گئی ہے، جس میں صرف کورونا سے ہونے والی اموات کی ہی تدفین کی جا رہی ہے۔
یہ قبرستان شہر سے 15 کلو میٹر کی دوری پر بنایا گیا ہے۔ جو بنڈلہ گوڑا کے وادی صالحین علاقے میں موجود ہے۔
مجلس اتحاد المسلمین کے فلور لیڈر اکبر الدین اویسی نے حکومت تلنگانہ سے نمائندگی کرتے ہوئے درگاہ حضرت فقیر ملاؒ سے متصل 50 ایکڑ زمین پر قبرستان قائم کرایا گیا ہے۔
جس میں سے 10 ایکڑ زمین کو کووڈ۔19 قبرستان کے لیے مختص کیا گیا ہے۔ اس قبرستان میں اب تک 114 کورونا وائرس سے ہوئے اموات کی تدفین ہوچکی ہے۔
کورونا سے ہونے والی قبر کو کھودنے اور تدفین کے لیے مکمل احتیاط برتی جا رہی ہے۔
قبر کھودنے کے لئے جے سی بی کا استعمال کیا جا رہا ہے۔
