تلنگانہ کے سکندر آباد کے یاپرال کا دس سالہ دھیرج ریڈی سائیکل پر سے اپنے گھر سے نکلا تاہم وہ لاپتہ ہوگیا تھا۔
چند گھنٹوں کے بعد بھی گھر واپس نہ ہونے پر اس کے پریشان والدین نے رچہ کنڈہ پولیس کنٹرول روم کو فون کیا جس کے بعد پولیس نے جواہر نگر پولیس اور دیگر پولیس اسٹیشنوں کو چوکس کیا۔
رچہ کنڈہ پولیس کمشنر مہیش بھگوت نے ملکاجگری ڈی سی پی رکشتا کے مورتی کو ہدایت دی کہ وہ خصوصی ٹیم تشکیل دے۔
اس لڑکے کا پتہ چلانے کے لیے پولیس کی دس ٹیمیں تشکیل دی گئیں تاہم زوماٹو کے مقامی ڈیلیوری بوائے سبرامنیم جو گاہک کوغذاپہنچانے کے لیے جارہاتھا نے اس لڑکے کو ویاپوری کالونی کی روڈ پر پایا اور پولیس کو اس بات کی اطلاع دی۔
یہ لڑکا راستہ بھول گیا تھا اور سڑک پر گھوم رہا تھا۔اس اطلاع کے ساتھ ہی پولیس وہاں پہنچی اور اس لڑکے کو اس کے والدین کے حوالے کردیا۔ملکاجگری ڈی سی پی رکشتا مورتی نے سبرامنیم کو پانچ ہزار روپئے کا انعام دیا۔
