نلگنڈہ: تلنگانہ کے نلگنڈہ ضلع کے ناگرجن ساگر میں منگل کے روز بھارت راشٹرا سمیتی (بی آر ایس) اور بھارتیہ جنتا پارٹی (بی جے پی) کے کارکنوں کے درمیان جھڑپ ہوئی۔ اس دوران نلگنڈہ بی جے پی ضلع صدر کے سریدھر ریڈی پر بی آر ایس کارکنوں نے مبینہ طور پر حملہ کیا۔
بی جے پی کے ریاستی صدر اور مرکزی وزیر جی کشن ریڈی نے ریڈی پر مبینہ حملہ کی سخت نکتہ چینی کی ہے۔ تلنگانہ بی جے پی کے سربراہ نے ایک بیان میں کہا کہ وزیراعلی کے چندر شیکھر راؤ نے ناگرجناساگر میں ضمنی انتخابات کے دوران بی آر ایس امیدوار کے منتخب ہونے کے بعد نیلی کل لفٹ ایریگیشن پروجیکٹ کو مکمل کرنے کا وعدہ کیا تھا۔ تاہم یہ ابھی تک مکمل نہیں ہوا ہے اور دوبارہ انتخابات ہو رہے ہیں۔
-
#WATCH | Telangana: A scuffle broke out between BRS and BJP workers in Nagarjuna Sagar, Nalgonda district, earlier today. pic.twitter.com/5PDJjKLQbh
— ANI (@ANI) November 14, 2023 " class="align-text-top noRightClick twitterSection" data="
">#WATCH | Telangana: A scuffle broke out between BRS and BJP workers in Nagarjuna Sagar, Nalgonda district, earlier today. pic.twitter.com/5PDJjKLQbh
— ANI (@ANI) November 14, 2023#WATCH | Telangana: A scuffle broke out between BRS and BJP workers in Nagarjuna Sagar, Nalgonda district, earlier today. pic.twitter.com/5PDJjKLQbh
— ANI (@ANI) November 14, 2023
بی جے پی کے ریاستی صدر نے مزید کہا ہے کہ اس مسئلہ پر احتجاج کرتے ہوئے منگل کو کے سی آر کے ناگرجنا ساگر میں جلسہ عام کے لیے جانے کے بعد سریدھر ریڈی نے نیلی کل میں احتجاجی مظاہرہ کیا اور سوال کیا کہ وزیراعلی کے سی آر کے وعدے کا کیا ہوا۔ بیان میں الزام عائد کیا گیا کہ اس پر ناراض ہوکر بی آر ایس کے کارکنوں نے دن دہاڑے سینکڑوں لوگوں کی موجودگی میں حملہ کردیا۔ سریدھر ریڈی کو فوری طور پر علاج کے لیے نلگنڈہ کے ریمس اسپتال منتقل کیا گیا۔ کشن ریڈی نے سریدھر ریڈی سے بھی فون پر بات کی اور حملے کے بارے میں مزید جانکاری حاصل کی۔
مزید پڑھیں: تلنگانہ:کاغذنگر میں بی آر ایس اور بی ایس پی کارکنوں میں جھڑپ
واضح رہے کہ ریاست کے مختلف علاقوں میں حال ہی میں انتخابی مہم کے دوران بی آر ایس اور کانگریس کے درمیان جھڑپ ہوئی۔ اس کے علاوہ بی آر ایس اور بی ایس پی کے کارکنوں میں بھی جھڑپ ہوئی ہے۔ بی آر ایس کے رکن پارلیمنٹ پر بھی حملہ کیا گیا تھا جس کے باعث وہ زخمی ہوئے اور انہیں اسپتال منتقل کرنا پڑا تھا۔
