ثانیہ مرزا فیڈریشن کپ ہارٹ ایوھرڈ جیتنے والی واحد بھارتی بن گئی ہیں۔ ثانیہ نے اس سال تین ریجنل گروپ I نامزد امیدواروں کےلیے ڈالے گئے تقریباً 17 ہزار ووٹوں میں دس ہزار سے زائد ووٹ حاصل کرتے ہوئے ایشیا۔اوشیانیا اویرڈ حاصل کیا ہے۔
ٹینس اسٹار نے اس تاریخی کامیابی پر خوشی کا اظہارکیا اور دو ہزار ڈالر انعامی رقم کو تلنگانہ وزیراعلیٰ راحت فنڈ میں دینے کا اعلان کیا۔
ڈبلز میں اول مقام حاصل کرنے والی اور کئی بار گرینڈ سلام فاتح ثانیہ 2016 کے بعد پہلی بار فیڈکپ ٹیم میں شامل ہوئی تھیں جبکہاس سال فیڈکپ کی بہترین کارکردگی کی بنیاد پر فیڈکپ ہرٹ ایوارڈ گروپ ون کےلیے چھ کھلاڑیوں کو نامزد کیا گیا تھا۔
اس ایوارڈ کا اعلان آن لائن ووٹنگ کی بنیاد پر کیا گیا جبکہ شائقین نے یکم تا آٹھ مئی کے درمیان آن لائن ووٹنگ میں حصہ لیا تھا اور ثانیہ نے 60 فیصد سے زائد ووٹ حاصل کئے جس سے ان کی عالمی مقبولیت کا پتہ چلتا ہے۔
ثانیہ کو انعامی رقم دو ہزار امریکی ڈالر حاصل ہوئے جسی 33 سالہ حیدرآبادی کھلاڑی نے کوویڈ۔19 وبا کے خلاف لڑائی کےلیے تلنگانہ سی ایم ریلیف فنڈ کےلیے عطیہ دینے کا فیصلہ کیا ہے۔
