محمد سلیم معذور ہیں اور قلعہ گولکنڈہ علاقے کے رہنے والے ہیں۔
دیکھیں ویڈیو
وزیراعلیٰ نے محمد سلیم سے خود ملاقات کی تھی اور ان کے مسائل حل کرنے کے وعدہ کیا تھا۔ یہ وعدے چار ماہ پرانے ہو چکے ہیں ، لیکن محمد سلیم کو ابھی تک حکومت کی جانب سے نہ رقم ملی، نہ گھر اور نہ ہی ان کے بیٹے کو نوکری۔
محمد سلیم نے ای ٹی وی بھارت سے بات کرتے ہوئے کہا کہ کے چندر شیکھر راؤ نے ملاقات کی اور میرے مسائل حل کرنے کا وعدہ کیا تھا، لیکن صرف 3 ہزار روپے وظیفہ مقرر کیا گیا۔
انہوں نے وزیراعلیٰ سے اپیل کی کہ وہ اپنا وعدہ نبھائیں کیوں کہ انہیں ایک امید بندھی ہوئی ہے کہ کے سی آر سے ملاقات کے بعد ان کی زندگی میں نمایاں تبدیلی آئے گی۔
ایسے میں اب دیکھنا ہے کہ معذور سلیم سے کیے ہوئے وعدے کو وزیر اعلیٰ کب پورا کرتے ہیں۔ اور اس کی زندگی میں کیا کچھ تبدیلیاں رونما ہوتی ہیں۔
