تلنگانہ میں بارہویں کے نتائج کا اعلان

ریاست تلنگانہ میں بارہویں کے نتائج جاری کر دیے گئے ہیں، محکمۂ تعلیم کے سیکریٹری جناردھن ریڈی کے ہاتھوں بورڈ آف انٹرمیڈیٹ کے دفتر میں نتائج کی سی ڈی کا اجراء کیا گیا۔

ریاست میں بارہویں جماعت میں رواں برس 8،70،924، طلباء نے شرکت کی تھی لیکن ہمیشہ کی طرح اس برس بھی لڑکیوں نے لڑکوں پر سبقت حاصل کی۔

سال اول میں لڑکوں کے نتائج 53۰14 فیصد جبکہ لڑکیوں کا فیصد 62۰02 رہا اور سال دوم میں لڑکوں کی شرح 58۰02 جبکہ لڑکیوں کی شرح کامیابی 71۰05 رہی تھی۔

سرکاری انٹر کالجوں کی شرح کامیابی سال اول میں 46 فیصد اور سال دوم میں 63 فیصد رہی جبکہ پرائیویٹ انٹرمیڈیٹ کالجوں میں سال اول کی شرح 63.4 اور سال دوم کی شرح 65 فیصد رہی اور اقلیتی کالجوں کے نتائج 63۰03 فیصد رہے۔