سماجی کارکن پروفیسر وسویشور راؤ کی داخل کردہ درخواست پر سماعت کرتے ہوئے آج چیف جسٹس نے کہا کہ درخواست میں ملازمین کے رجوع بکار ہونے کا تذکرہ نہیں ہے اس لیے اس سلسلے میں کوئی فیصلہ نہیں دیا جاسکتا۔
چیف جسٹس نے درخواست میں ترمیم کرتے ہوئے دوبارہ داخل کی جائے تو اس پر غور کیا جائے گا۔ عدلیہ نے فیصلے کو کل تک کے لیے ملتوی کردیا۔
پروفیسر وسویشور راؤ نے خود اپنے مقدمے کی پیروی کی اور میڈیا سے بات کرتے ہوئے مثبت فیصلے کی توقع ظاہر کی۔ انہوں نے آر ٹی سی ملازمین کی اموات سے بھی عدلیہ کو واقف کروایا اور کہا کہ حکومت ان کی اموات کی ذمہ دار ہے۔ تاہم عدلیہ نے اس سلسلےمیں بھی سماعت کو کل تک کیلیے ملتوی کردیا۔
واضح ہو کہ آر ٹی سی ملازمین نے ہڑتال سے دستبرداری اختیار کرنے کا اعلان کرتے ہوئے رجوع بکار ہونے کیلئے رضامندی ظاہر کی تھی لیکن مینجگ ڈاکٹر سنیل شرما نے مسئلہ کی یکسوئی تک صبر کرنے کا مشورہ دیا تھا۔ اس کے خلاف پروفیسر نے درخواست داخل کی ہے۔
