روڈ ٹرانسپورٹ کارپوریشن کی بسوں میں ڈرائیورز اور کنڈکٹرز کو ہینڈ سانیٹائزر فراہم کیا گیا ہے تاکہ وہ اپنے ہاتھوں کی صفائی کر سکیں۔
آر ٹی سی کی شہر اور دیہی علاقوں میں چلائئ جانے والی تقریبا تین ہزار بسوں کے عملے کو سانیٹائزرس دیئے گئے ہیں جبکہ کنڈکٹرز، مسافروں کے مطالبے پر انہیں بھی ہاتھوں کی صفائی کےلیے ہینڈ سانیٹائزر دے رہے ہیں۔
کنڈکٹرز کے مطابق جراثیم کے خاتمے کےلیے انہیں سانیٹائزر فراہم کئے گئے۔
بسوں میں سفر کرنے والوں کی تعداد گھٹ گئی ہے۔ کورونا کے خوف سے عوام سفر کرنے سے گریز کررہے ہیں جس کی وجہ سے بسیں خالی نظر آرہی ہیں ڈرائیورز کے مطابق عام دنوں میں ایک بس میں روزانہ اوسطاً چار ہزار مسافر بس میں سفر کرتے ہیں لیکن اس وائرس کی وجہ سے یہ تعداد گھٹ گئی ہے۔
بس میں سفر کرنے والے احتیاطی طور پر فیس ماسک، رومال یا دوپٹے سے اپنا چہرہ ڈھانک کر نکل رہے ہیں۔
