آندھراپردیش کے گورنر بسو بھوسن ہری چندن نے آندھراپردیش حکومت کو ہدایت کی ہے کہ وہ نیمگددہ رمیش کمار کو ریاستی الیکشن کمشنر (ایس ای سی) کے عہدے کی بحالی کے لئے ضروری کارروائی کرے۔
گورنر نے کہا ہے کہ یہ کارروائی تقریبا دو ماہ قبل جاری کردہ ہائی کورٹ کے احکامات کے مطابق کی جائے۔
رمیش کمار کو لکھے گئے ایک خط میں گورنر کے سکریٹری نے آگاہ کیا کہ گورنر نے حکومت کو ہدایت کی ہے کہ وہ انہیں بحیثیت ایس ای سی بحال کرنے کے لئے جلد کارروائی کرے۔
یہ پیشرفت دو روز بعد ہوئی جب ریٹائرڈ آئی اے ایس افسر نے گورنر سے ملاقات کی اور ان کے نوٹس میں لایا کہ انہیں دوبارہ بحال کرنے کے لئے ہائی کورٹ کے احکامات اور عدالت کے ہدایات کے تحت ہی درخوست منظور کی جائے۔
ہائی کورٹ نے 16 جولائی کو رمیش کمار کو گورنر سے ملاقات کرنے کو کہا تھا، مؤخر الذکر کے پاس اپنے حکم کے مطابق ایس ای سی کی تقرری کا اختیار ہے۔
انہوں نے الزام لگایا کہ ریاستی حکومت ایس ای سی کے عہدے پر دوبارہ کام کرنے کی اجازت نہ دے کر عدالت کی توہین کررہی ہے۔
درخواست گزار نے عدالت کو یہ بھی بتایا کہ اگرچہ حکومت نے ہائی کورٹ کے احکامات کے خلاف عدالت عظمیٰ منتقل کیا لیکن عدالت عظمیٰ نے روک لگانے سے انکار کردیا ہے۔
