ای راجندر نے بتایا کہ تلنگانہ میں پانچ ہزار سے زائد کورونا مریض ٹیلی میڈیسن سہولت کے ذریعہ اپنے گھروں میں زیرعلاج ہیں جبکہ کل 7,109 افراد کورونا رپورٹ مثبت آنے کے بعد گھروں میں کورنٹائن تھے جس میں 1,438 افراد صحتیاب ہوچکے ہیں اور فی الوقت 5,671 مریض گھروں میں زیرعلاج ہیں۔
انہوں نے کہا کہ صرف 26 مریضوں کو گھر سے ہسپتال منتقل کیا گیا۔ انہوں نے کہا کہ ریاست میں قومی اوسط تین کے مقابلہ اموات کی شرح 1.7 فیصد ہی ہے۔
وزیر صحت نے مزید بتایا کہ ریاست کے سرکاری ہسپتال میں دس ہزار بستر دستیاب ہیں، ان میں ساڑھے تین ہزار بستروں کےلیے آکسیجن کی سہولت بھی دستیاب ہے جبکہ اندرون چار تا پانچ دن بقیہ بستروں کےلیے آکسیجن کی سہولت دستیاب رہے گی۔
ای راجندر نے کہا کہ وزیراعلیٰ کے چندرشیکھر راؤ نے محکمہ صحت میں 4,700 اسٹاف کی تقرری کی اجازت دی ہے۔
