ریاست میں بہ حیثیت مجموعی اموات کی تعداد بڑھ کر 1,222 ہوگئی ہے کیونکہ گذشتہ 24 گھنٹوں کے دوران مزید 19 اموات ہوئی ہیں۔
محکمہ صحت کی جانب سے جاری کردہ بلیٹن میں کہا گیا ہے کہ 'ریاست میں اموات کی شرح 0.57 فیصد ہے جبکہ ملک گیر سطح پر اموات کی شرح 1.5 فیصد ہے۔'
ریاست میں اس مرض سے صحتیاب ہونے والوں کی تعداد 1 لاکھ 85 ہزار 128 ہوگئی ہے کیونکہ جمعہ اور ہفتہ کو مزید 2102 مریض روبہ صحت ہوئے ہیں۔
وہیں گذشتہ 24گھنٹوں کے دوران 46 ہزار 657 کووڈ 19کے معائنے کیے گئے تاہم 1093 نمونوں کی رپورٹس کا انتظار ہے۔
رپورٹ کے مطابق 'جی ایچ ایم سی حدود میں 265 نئے معاملات درج کئے گئے ہیں۔ ضلع رنگاریڈی میں 132، میڑچل ملکاجگری میں 131، نلگنڈہ میں 101 اور کریم نگر ضلع میں 104 نئے معاملات درج کئے گئے ہیں۔'
بقیہ معاملات ریاست کے دیگر اضلاع میں درج کئے گئے۔
