ایک نہیں دو نہیں جملہ 17 ٹریفک ای چالان۔ جی ہاں! تلنگانہ کے ضلع نظام آباد میں ایک شخص کی بائیک پر جملہ 17 ای چالان کے ذریعہ ٹریفک کی خلاف ورزیوں پر 5175 روپئے کا جرمانہ عائد کیا گیا۔
ضلع کی تری ٹاون پولیس نے گاڑیوں کی تلاشی کے دوران اس گاڑی سوار کو روکا اور جب اس کی گاڑی پر عائد جرمانہ کی تفصیلات بذریعہ آن لائن معلوم کی گئی تو یہ چونکا دینے والا انکشاف ہوا۔
ان میں 12 چالان ہیلمیٹ کے نہیں پہننے پر کئے گئے۔ جرمانہ کی رقم 5175 کی ادائیگی کے بعد ہی اس کی گاڑی اس کے حوالے کی جائے گی۔ پولیس نے یہ بات بتائی۔
