حیدرآباد:ریاست تلنگانہ کے وزیر داخلہ محمو محمود علی نے کہا کہ پچھلے ساڑھے آٹھ سالوں میں ہماری ریاست تلنگانہ نے جو ترقی حاصل کی ہے اس کی مثال ملک بھر میں کہیں نہیں ملتی۔ریاست کی عوام کے لیے سب سے زیادہ ترقیاتی اسکیمیں چلائی جاتی ہیں اس سے انہیں زبردست فائدہ بھی حاصل ہوتا ہے۔ ریاستی وزیر داخلہ محمد محمود علی نے گوشہ محل کی مسلم خواتین کی بی آر ایس پارٹی میں شمولیت پر ہماری حکومت نے خواتین کے لیے جتنی ترقیاتی اسکیموں کا اعلان کیا ہے اس سے خواتین کو راست فائدہ پہنچتا ہے۔
بی آر ایس قائد و اُپل انچارج بدرالدین کی قیادت میں گوشہ محل کے پچاس کانگریسی کارکنان نے تلنگانہ ریاستی وزیر داخلہ محمد محمود علی سے ان کی سرکاری رہائش گاہ پر ملاقات کی اور ان کی نگرانی میں بی آر ایس پارٹی میں شمولیت اختیار کرنے کا اعلان کیا جنہیں وزیر داخلہ نے کھنڈوا پہناکر پارٹی میں شامل کیا۔ اس موقع پر وزیر داخلہ نے کہا کہ ملک بھر کی تمام ریاستوں میں پائی جانے والی سبھی اسکیمات ،حکومت تلنگانہ میں پائی جاتی ہیں۔ ان تمام پر عمل بھی کیا جارہا ہے۔ یہ کارنامہ صرف اور صرف حکومت تلنگانہ کا ہے۔ وزیر اعلیٰ کلوا کنٹلا چندرا شیکھر راؤ متعدد خوبیوں کے مالک ہیں، وہ اپنے سیکولرازم کے لیے ملک بھر میں مشہور ہیں۔
یہ بھی پڑھیں:Mahmood Ali Meet Minority Charman تلنگانہ حکومت نے سال 2023-24 کے بجٹ میں اقلیتوں کے لیے 2200 کروڑ روپے مختص کیے
انہوں نے کہا کہ تشکیل تلنگانہ سے ریاست ہر روز ترقی کی طرف گامزن ہے۔پچھلے ساڑھےآٹھ سالوں میں ریاست تلنگانہ نے غیر معمولی ترقی حاصل کی ہے۔ جس کی مثال ملک بھر میں کہیں نہیں ملتی۔سال 2014 سے قبل ریاست میں وظائف کے نام پر صرف دو سو روپیے فراہم کیے جاتے تھے۔ مگر تشکیل تلنگانہ کے بعد سے وظائف کی رقم میں مسلسل اضافہ کیا جارہا ہے۔حکومت تلنگانہ نے اولڈ ایج(معمر)، بیواؤں، بنکروں، ایڈس مریضوں کو ہر ماہ 2016 روپیے وظائف جاری کررہی ہے، جب کہ جسمانی طور پر معذور افراد کے لیے 3016 روپیے ماہانہ وظیفہ دیا جارہا ہے۔
