ھنرھاٹ میلہ کے افتتاحی موقع پر صحافیوں سے بات کرتے ہوئے مختار عباس نقوی نے کہا کہ سی اے اے سے کسی بھی بھارتی کی شہریت کو کوئی خطرہ نہیں ہے۔
انہوں نے اپوزیشن پر الزام لگایا کہ وہ عوام کو گمراہ کرکے سیاسی روٹیا سیکنے میں مصروف ہے۔ انہوں نے مزید کہا کہ اس قانون سے کسی بھی بھارتی مسلمان کی شہریت خطرہ میں نہیں ہے بلکہ بھارت کے مسلمانوں کے سبھی حقوق کا تحفظ کیا جائے گا۔
مختار عباد نقوی نے کہا کہ جن لوگوں نے سلیکٹ کمیٹی میں اس بل کی تائید کی تھی آج وہی اس قانون کی مخالفت کر رہے ہیں جبکہ انہوں نے اپوزیشن کے احتجاج کو ’ہورر ہنگامہ‘ سے تعبیر کیا۔ انہوں نے سماج کے ایک طبقہ کو گمراہ کرنے کا اپوزیشن پر الزام عائد کیا۔
انہوں نے کہا کہ جس بل کو پارلیمنٹ میں منظور کرلیا جاتا ہے تو وہ قانون سارے ملک میں نافذ ہوتا ہے جبکہ اس قانون کو کوئی بھی ریاست نافذ ہونے سے روک نہیں سکتی۔ انہوں سے سختی سے کہا کہ اب سی اے اے میں کسی بھی قسم کی نہ تو کوئی تبدیلی ہوگی اور نہ ہی اسے واپس لیا جائے گا۔ حکومت کا اس معاملہ میں پیچھے ہٹنے کا سوال ہی پیدا نہیں ہوتا۔
مرکزی وزیر نے کہا کہ مسلمان اس ملک میں پوری مضبوطی کے ساتھ رہ رہا ہے اور مرکزی حکومت اس کے حقوق ہر حقوق کے تحفظ کی پابند ہے۔
