مرکزی حکومت کے ذریعہ بنائے گئے زرعی قوانین کے خلاف حیدرآباد میں سماجی و مذہبی تنظیموں نے ایک اجلاس منعقد کیا۔
اس کی صدارت تحریک مسلم شبان صدر مشتاق ملک نے کی۔ اس اجلاس میں مفتی محمد تجمل حسین، مجلس بچاؤ تحریک کے ترجمان امجد اللہ خان ، ستپل سنگھ، اور اور دیگر سماجی و مذہبی رہنماؤں نے شرکت کی-
اس اجلاس میں یہ فیصلہ لیا گیا ہے کہ اگرچہ مرکزی حکومت زرعی قوانین واپس نہیں لیتی ہے تو حیدرآباد میں کسان باغ قیام کیا جائے گا-
صدر تحریک مسلم شبان مشتاق ملک نے کہا کہ مرکزی حکومت زرعی قوانین واپس نہیں لیتی ہے تو ریاست تلنگانہ اور حیدرآباد میں احتجاجی مظاہرے شروع کر دیے جائیں گے۔
انھوں نے کہا کہ شاہین باغ کی طرح کسان باغ قیام عمل میں آئے گا۔
مزید پڑھیں:رانا دگگوبتی کی سالگرہ پر فلم ’ویراٹ پرم‘ کی پہلی جھلک شیئر
اس موقع پر ستیل سنگھ نے کہا کہ جب کبھی بھارت پر دشمن ممالک حملہ کرتے ہیں تو سکھ رجمنٹ آگے ہوتی ہے اور دشمن ممالک کے مقابلے کرتے ہوئے شہید ہوتی ہیں-
ان شہیدوں کو بڑے اعزاز سے نوازا جاتا ہے- ان سکھوں کے بزرگوں کو دہلی کی سرحد پر زد و کوب کیا گیا ہے، یہ کیسا انصاف ہے۔
