نیشنل گرین ٹریبونل (این جی ٹی)چینئی نے تلنگانہ سکریٹریٹ کے انہدام کے معاملہ کی سماعت کی۔کانگریس کے رکن پارلیمان ریونت ریڈی نے اس معاملے کی جانچ کی خواہش کی کیونکہ یہ معاملہ ماحولیات سے جڑا ہوا ہے۔
اس معاملے میں ریاستی حکومت اور مرکزی وزارت ماحولیات کو مدعا علیہ بنایاگیا ہے۔انہوں نے اپنی عرضی میں الزام لگایا کہ ریاستی حکومت ماحولیاتی منظوری کے بغیر سکریٹریٹ کی قدیم عمارتوں کو منہدم کررہی ہے تاہم ریاستی حکومت کے وکیل نے کہاکہ یہ معاملہ پہلے ہی ہائیکورٹ میں زیردوراں ہے۔اس پر ردعمل ظاہر کرتے ہوئے این جی ٹی نے کہاکہ وہ ہائیکورٹ میں معاملہ کی سماعت کے بعد دلائل کی سماعت کرے گا۔اس معاملہ کی اگلی سماعت پیر تک کے لئے ملتوی کردی گئی۔
