حیدرآباد میں اتوار کے روز سنڈے فنڈے (ایک شام چار مینار کے نام) سے پروگرام منعقد کیا جارہا ہے۔ اس ضمن میں مولانا حسام الدین ثانی جعفر پاشاہ نے جامع مسجد دارالشفاء میں جمعہ کے خطاب میں کہا کہ تلنگانہ حکومت نے چار مینار پر سنڈے فنڈے پروگرام کا آغاز کیا ہے۔ اتوار کی رات تاریخی چارمینار کے دامن میں ایک شام چار مینار کے نام سے یہ پروگرام منعقد کیا گیا۔ جس میں نوجوان نسل کی غیر اخلاقی حرکتیں دیکھی گئیں۔
سنڈے فنڈے میں موقع پر دیکھی گئی اخلاقی برائیوں پر افسوس کا اظہار کرتے ہوئے انہوں نے کہا کہ مسلم نوجوان اس پروگرام کا بائیکاٹ کریں اور والدین اپنے بچوں کی تربیت اسلامی تعلیمات کے مطابق کریں۔
یہ بھی پڑھیں: پنجاب: بھارت اور پاکستان میچ کے بعد کشمیری طلبہ کے ساتھ مارپیٹ
مولانا حسام الدین ثانی جعفر پاشاہ نے عوام سے اپیل کرتے ہوئے کہا کہ علماء پر تنقیدیں بند کریں اور اپنے بچوں کی حفاظت کریں۔
