یادادری بھونگیر ضلع کے چوٹ اپل میں پیش آئے ایک افسوسناک واقعہ میں ماں نے اپنی تینوں بیٹیوں کو پھانسی کے پھندے پر لٹکاکر خودکشی کرلی جبکہ خوش قسمتی سے چھوٹی بیٹی بچ گئی۔
اطلاعات کے مطابق چوٹ اپل علاقہ میں ایک جوڑا وینکٹیش اور رانی، جن کی تین بیٹیاں ہیں مزدوری کرکے گذربسر کر رہے تھے لیکن کورونا وبا اور لاک ڈاون کی وجہ سے ان کی آمدنی پر بہت برا اثر پڑا۔ ان کے گھر میں کھانے کےلیے بھی کچھ نہیں تھا۔
وہیں وینکٹیش نشہ کا عادی ہوچکا تھا اور رانی کے بار بار اصرار کرنے کے باوجود وہ نشہ نہیں چھوڑ رہا تھا، ان سب سے تنگ آکر رانی نے تینوں بیٹیوں کو ساڑی کی مدد سے پھانسی پر لٹکایا اور آخر کار خود نے بھی پھانسی لے کر خودکشی کرلی۔ خوش قسمتی سے چھوٹی بیٹی کا سر پھندے سے نکل گیا جس کی وجہ سے وہ بچ گئی۔
یہ بھی پڑھیں: تلنگانہ میں ڈیلٹا پلس کیسزدرج نہیں ہوئے: محکمہ صحت
پولیس نے واقعہ کی اطلاع ملنے کے بعد موقع پر پہنچ کر ماں اور دو بیٹیوں کی لاشوں کو پوسٹ مارٹم کی غرض سے اسپتال منتقل کیا۔ اس معاملہ میں پولیس نے مقدمہ درج کرکے تحقیقات کا آغاز کیا ہے۔
