انقلابی مصنف ورا ورا راو کی فوری رہائی کا مطالبہ کرتے ہوئے سی پی آئی ماوسٹ تلنگانہ اسٹیٹ کمیٹی نے اس ماہ کی 25تاریخ کو تلنگانہ بند کی اپیل کی ہے۔
کمیٹی نے متعلقہ حکام پر زور دیا کہ وہ فوری طورپر جیل سے ورا ورا راو اور دوسروں کی رہائی کویقینی بنائے۔ساتھ ہی جنگلاتی علاقوں سے گرے ہاونڈز کے ارکان کو واپس طلب کیاجائے۔
ماوسٹ پارٹی تلنگانہ اسٹیٹ کمیٹی کے ترجمان جگن نے اس سلسلہ میں مکتوب جاری کیا ہے۔ماونوازوں نے یہ بھی مطالبہ کیا کہ ورا ورا راو جو بھیماکورے گاوں معاملے میں ملزم ہیں، کے علاوہ دیگر تمام سیاسی قیدیوں کے ساتھ ساتھ 60برس سے زیادہ عمر والے قیدیوں کی رہائی کو یقینی بنایاجائے۔
انقلابی رہنما ورا ورا راو مہاراشٹر کی جیل میں قید ہیں۔
