حیدرآباد کے ملک پیٹ سرکاری ہسپتال میں کورونا کیسز کے بڑھنے سے ہلچل اور خوف کا ماحول پیدا ہوگیا ہے۔
ملک پیٹ سرکاری ہسپتال میں ڈاکٹرز طبی عملہ کورونا میں مبتلا ہورہے ہیں، دو روز قبل دو ڈاکٹرز اور نو دیگراس وبا میں مبتلا ہوئے، اور تازہ طور پر دو ڈاکٹرز ایک نرس کے علاوہ انتظامیہ کے مزید دو افراد کورونا وائرس میں مبتلا پائے گئے ہیں۔
ہسپتال آر ایم او ملکارجنپا اگلے دو روز تک آپریشن تھیٹر اور لیبر روم کو بند کرنے کا فیصلہ کیا ہے۔ صرف او پی خدمات جاری رہیں گی۔
تلنگانہ میہں لاک ڈاون ہٹائے جانے کے بعد سے کووڈ-19 کیسز میں بے تحاشہ اضافہ دیکھا جارہا ہے، خصوصا شہر حیدرآباد میں کورونا کے زیادہ کیسز درج ہورہے ہیں۔
