تلنگانہ میں منگل کی شام تک ایک دن میں کورونا وائرس کے 42 نئے پازیٹیو کیسز سامنے آئے ہیں۔
- گریٹر حیدرآباد میں کورونا وائرس:
ان 42 کیسز میں 34 کیس گریٹر حیدرآباد کی حدود سے ہیں جبکہ آٹھ مہاجر اور غیر مقیم مزدور ہیں۔
اس کے علاوہ جملہ نو مریضوں کو علاج اور صحتیابی کے بعد گھر جانے کی اجازت دے دی گئی۔
- تلنگانہ میں کووڈ۔19 کی جملہ تعداد:
اس طرح ریاست میں اب تک کورونا وائرس سے جملہ 1634 افراد متاثر ہوئے ہیں جن میں جملہ 1011 مریضوں کو ڈسچارج کردیا گیا ہے۔
جملہ متاثرین میں 77 مہاجر اور غیر مقیم مزدوروں بھی شامل ہیں۔
- کورونا کے مریض اب بھی گاندھی اسپتال میں زیر علاج:
تاحال ریاست میں اس وائرس کی وجہ سے جملہ 38 افراد فوت ہوئے ہیں جبکہ جملہ 585 افراد اب بھی کورونا کی وجہ سے مختلف دواخانوں میں زیر علاج ہیں۔
ریاستی حکومت کے بلیٹن میں کہا گیا ہے کہ دوسری ریاستوں سے کثیر تعداد میں مہاجر اور غیر مقیم مزدور تلنگانہ میں مقیم ہیں جن کی وجہ سے ان میں کورونا ٹسٹ پازیٹیو پایا جارہا ہے۔
