امیرمقامی جماعت اسلامی ہند یاقوت پورہ محمد عمادالدین کی نگرانی میں علاقہ کے مستحق مسلم خاندانوں کی نشاندہی کرتے ہوئے ان تک کھانے پینے کی اشیاء پہنچائی گئیں۔
اس موقع پر امیرمقامی جماعت اسلامی ہند یاقوت پورہ محمدعمادالدین نے کہا کہ لاک ڈاؤن کی وجہہ سے غریب اور متوسط طبقہ سخت پریشان حال ہے۔
انہوں نے صاحب خیر حضرات سے اپیل کی موجودہ حالات کے پیش نظر ماہ صیام میں اپنے رشتہ داروں، پڑوسیوں اور ضرورت مندوں کا خاص خیال رکھیں۔ اسکے علاوہ انہوں نے سادگی کے ساتھ عید منانے کا مشورہ دیا۔
محمد کلیم الدین، محمد یوسف اسلامی و دیگر کارکنان جماعت اسلامی یاقوت پورہ اس موقع پر موجود تھے۔
