تھلسمیا مریضوں کو کھانا فراہم کرنے کی پہل

تھلسمیا بیماری ہیموگلوبین کی پیداوار میں اضافہ سے ہوتی ہے۔ یہ بیماری پیدائشی ہوتی ہے۔ تھلسمیا کے مریضوں کو 15 دن میں ایک بار خون کی ضرورت ہوتی ہے۔ اگر تھلسمیا کے مریضوں کو وقت پر خون نہیں ملتا ہے تو ان کی زندگی خطرے میں پڑ جاتی ہے ۔ ایسی صورت حال میں اس بیماری سے متاثر لوگوں کو اکثر مدد کی ضرورت رہتی ہے۔

حیدرآباد میں تھلسمیا اسکل سوسائٹی کئی برسوں سے مریضوں کو مفت میں دوائی اور خون کے عطیات کا انتظام کرتی آ رہی ہیں۔ اسی دوران آزاد خدمت فاونڈیشن بھی ان مریضوں اور ان کے سرپرستوں کی مدد کے لیے آگے آئی ہے۔

فاؤنڈیشن کے صدر محمد اکرم علی (ابو ائمیل) پچھلے دو ماہ سے روزانہ تھلسمیا کے مریضوں اوران کے تیمارداروں میں 100 سے زیادہ لوگوں کو کھانا کھلا رہے ہیں۔ محمد اکرم علی نے کہا کہ تھلسمیا کے مریض ریاست و برونی ریاست سے آتے ہیں۔ ان کے ساتھ سرپرست بھی ہوتے ہیں۔ انہوں نے تھلسمیا اسکیل سوسائٹی سے معاہدہ کیا ہے کہ وہ تاحیات ان لوگوں کے لیے کھانے کا اہتمام کریں گے۔

تھلسمیا کے مریضوں کو روزانہ کھانا فراہم کرنے کی پہل

تھلسمیا سوسائٹی کے جنرل سیکرٹری مرزا علیم بیگ نے کہا کہ لاک ڈاون میں مریضوں کو خون کی بہت کمی ہوئی تھی۔ اس وقت بھی آزاد خدمت فاونڈیشن نے خون کے عطیات جمع کر کے سوسائٹی کو فراہم کیا تھا۔