Etala Rajendar on KCR: 'کے سی آر کو شکست دینا وقت کا تقاضہ'

بی جے پی کے رکن اسمبلی ایٹالہ راجندر نے کہا کہ وہ آئندہ اسمبلی انتخابات میں اسمبلی حلقہ گجویل سے مقابلہ کریں گے اور نتائج مغربی بنگال کی طرح دہرائے جائیں گے۔ انہوں نے کہا کہ وہ ٹی آر ایس میں گجویل میں ہی شامل ہوئے تھے اور اب اپنی ساری توجہ اسمبلی حلقہ گجویل پر مرکوز کرتے ہوئے کام کررہے ہیں۔ Etala Rajendar on KCR

بی جے پی کے رکن اسمبلی ایٹالہ راجندر نے کہا تلنگانہ میں وزیراعلی کے سی آر کو شکست دینا وقت کا تقاضہ ہے۔ انہوں نے مغربی بنگال کا حوالہ دیتے ہوئے کہا کہ بی جے پی کے سوویندو ادھیکاری کا نتیجہ تلنگانہ میں دہرایا جائے گا۔ انہوں نے کہا کہ تلنگانہ میں ٹی آر ایس کانگریس کے علاوہ دوسری جماعتوں کے رہنما بی جے پی سے رابطہ میں ہے اور بہت جلد بڑے پیمانے پر کئی رہنما بی جے پی میں شامل ہوں گے۔ ایٹالہ راجندر نے کہا کہ تلنگانہ تحریک کے دوران کے سی آر نے جل، جنگل، زمین کا نعرہ دیا تھا جس سے متاثر ہوکر قبائلی طبقہ نے ٹی آر ایس کی تائید کی اقتدار حاصل کرنے پر پوڈو اراضیات سے قبائلیوں کو بیدخل کیا جارہا ہے۔ احتجاج کرنے والی قبائلی خواتین کے ساتھ مارپیٹ کی گئی جس کی بی جے پی سخت مذمت کرتی ہے۔ انہوں نے کہا کہ تلنگانہ میں تیزی سے ٹی آر ایس کا گراف گھٹ رہا ہے اور آئندہ ریاست میں بی جے پی حکومت تشکیل دے گی۔ Etala Rajendar on KCR