روس اور یوکرین کے درمیان جاری جنگ کے تباہ کن مناظر کے دوران بھارتی طلبا کی پریشان کُن صورتحال کی تصاویر بھی منظر عام پر آئی ہیں۔ ملک کی مختلف ریاستوں کے طلبا جو یوکرین کے تعلیمی اداروں میں زیر تعلیم تھے۔ روس اور یوکرین کے درمیان ہوئی جنگ سے خوف زدہ بھارتی طلبہ نے حکومت سے مدد کی اپیل کی تھی۔
تلنگانہ کے دارلحکومت حیدرآباد سے تعلق رکھنے والے دو طلباء یوکرین میں پھنسے ہوئے تھے- محمد سلمان اور عبدالسمیع نامی دو طلبا کیف شہر میں واقع میڈیکل کالج میں زیر تعلیم تھے۔Hyderabadi Students Muhammad Salman,Abdul samee Arrives in India from Ukraine
محمد سلمان کا کہنا ہے کہ روس نے جب یوکرین پر بمباری شروع کی تو اس وقت وہ ایئر پورٹ پر موجود تھے۔بمباری کے سبب لوگ خوف ہراس میں مبتلا تھے۔ انہوں نے مزید کہا کہ بمباری کے بعد وہ دونوں ایئرپورٹ کے احاطہ سے باہر نکل گئے،اور نو گھنٹوں تک مسلسل پیدل چلتے رہے۔اسکے بعد یہ دونوں دیگر بھارتی طلبا کے ساتھ ایک کالج میں چھپ کر پناہ لئے۔ محمد سلمان کا کہنا ہے کہ بھارت میں ایم بی بی ایس کی تعلیم حاصل کرنا بہت مہنگا ہے ۔جس کی وجہ سے بھارت کے طلبا بیرون ممالک میں ایم بی بی ایس کی تعلیم حاصل کرنے پر مجبور ہیں۔
مزید پڑھیں:Nine Students Returned To India From Ukraine: یوکرین سے سہارنپور کے نو طلبا ملک واپس
انہوں نے ریاستی اور مرکزی حکومت سے مطالبہ کیا ہے کہ وہ طلبا جو یوکرین میں میں زیر تعلیم تھے،ناساز گار حالات کے سبب ان کی تعلیم عارضی طور پر متاثر ہوئی ہے ان کی کورس مکمل ہونے کے لئے اقدام اٹھائیں۔اور ملازمت کا انتظام کرائیں۔
