تلنگانہ کے حیدرآباد میں شیعہ کمیونیٹی کی جانب سے وسیم رضوی کے خلاف زبردست احتجاجی مظاہرہ کیا گیا۔ دارالشفا پرانی حویلی میں شیعہ مسلمانوں نے وسیم رضوی کا علامتی پتلہ نذر آتش کیا اور اترپردیش شیعہ وقف بورڈ کے سابق چیرمین کے خلاف شدید نعرے بازی کی۔
حیدرآباد: شیعہ کمیونٹی نے وسیم رضوی کا پتلا نذر آتش کیا
اس موقع پر حامد حسین جعفری نے کہا کہ ’وسیم رضوی مسلسل زہرافشانی کرتے ہوئے مسلمانوں کے جذبات مجروح کررہا ہے۔ انہوں نے کہا کہ قرآن تمام مسلک کے ماننے والوں کے لیے محترم ہے اور اس میں ایک لفظ کا بھی ردوبدل نہیں کیا جاسکتا‘۔ حامد حسین جعفری نے سپریم کورٹ سے وسیم رضوی کی جانب سے دائر کی گئی عرضی کو خارج کردینے کا مطالبہ کیا۔
