چیف سکریٹری سومیش کمار نے واضح کیا کہ لاک ڈاؤن کا فیصلہ گریٹر حیدرآباد میونسپل کارپوریشن تک محدود رہے گا اضلاع میں لاک ڈاؤن کا نفاذ عمل میں نہیں لایا جائے گا۔
چیف سکریٹری نے بتایا کہ وزیر اعلی نے متعلقہ حکام سے حالات کا جائزہ لیتے ہوئے رپورٹ پیش کرنے کی ہدایت دی حکام اپنے کام میں مصروف ہیں آئندہ دو دنوں میں وہ وزیر اعلی کو اپنی رپورٹ پیش کریں گے۔
آئندہ دو دنوں میں چندرا شیکھر راؤ کابینی اجلاس طلب کریں گے جس میں لاک ڈاؤن کے متعلق قطعی فیصلہ لیا جائے گا۔
چیسٹ اسپتال میں آکسیجن کی قلت کے باعث ہلاک ہوئے شخص کے متعلق کیے گئے سوال کے جواب میں چیف سکریٹری نے بتایا کہ وہ اس کی تحقیقات کروائیں گے اور خاطی پائے جانے پر اس حادثے کے ذمہ داروں کے خلاف کاروائی کی جائے گی۔ کورونا کی مشتبہ علامات ظاہر ہونے پر گنگ کوٹھی اسپتال سے رجوع کرتے ہوئے بروقت علاج سے استفادہ کرنے کا شومیش کمار نے عوام کو مشورہ دیا۔
