ریاست تلنگانہ کے دارالحکومت میں بے شمار عاشور خانے موجود ہیں جبکہ بعض کو خاص اہمیت حاصل ہے۔
خاص عاشور خانے آثار مبارک کی وجہ سے عوام میں مشہور ہیں۔
بعض عاشورخانوں میں حضرت محمد صلی اللہ علیہ وسلم، حضرت علیؓ، حضرت فاطمہؓ، حضرت حسنینؓ کے علاوہ واقعہ کربلا سے متعلق آثار مبارک موجود ہیں۔
الاوۂ قدم رسولﷺ جسے قطب شاہی دور میں تعمیر کیا گیا یہاں ایک پتھر پر حضور اکرمﷺ کے نقش پاء موجود ہے جو ایک صوفی کے ذریعے مدینہ منورہ سے حیدرآباد لایا گیا اور بعد میں عاشور خانے کو عطیہ دیا گیا ۔ یہ عاشورخانہ زائد از ساڑھے چار سو برس سے عوام کی عقیدت کا مرکز بنا ہوا ہے۔
وہیں اسی الاوہ میں ایک صراحی بھی ہے جس کے متعلق بتایا جاتا ہے کہ اس صراحی کو حضرت فاطمہؓ استعمال کرتی تھیں۔
عوام آج بھی اس صراحی سے پانی پیتے ہیں جبکہ لوگوں کا عقیدہ ہے کہ صراحی کے پانی میں شفا ہے۔
اس سلسلہ میں مجاور الاوۂ قدم رسول، میر صابر علی نے ای ٹی وی بھارت سے بات کرتےہوئے تفصیلات سے واقف کروایا۔
