دراصل سڑکوں کی مرمت کا کام لاک ڈاؤن سے قبل ہی شروع ہوا تھا لیکن لاک ڈاؤن کے پہلے مرحلے میں سے اسے موخر کر دیا گیا تھا تا ہم ریاستی وزیر برائے شہری ترقیات تارک راما راؤ نے موقع کو غنیمت جانتے ہوئے کاموں کو دوبارہ شروع کرنے اور اس میں تیزی پیدا کرنے کی تاکید کی اور لاک ڈاؤن کے اختتام تک اہم سڑکوں کی مرمت مکمل کرنے کے احکامات دئی۔
اس سلسلے میں متعلقہ وزیر نے دلچسپی لیتے ہوئے مرمت کے لیے درکار تمام سہولیات مہیا کروانے میں تعاون کیا جس کے بعد کام 24 گھنٹے برق رفتاری سے جاری ہے۔
گریٹر حیدرآباد میونسپل کارپوریشن لاک ڈاؤن کے دوران سو کلو میٹر سڑکوں کی مرمت مکمل کرنے کا ہدف رکھتی ہے۔
چیف انجینئر ضیاء الدین نے ای ٹی وی بھارت کو سڑکوں کی مرمت کے متعلق تمام تفصیلات سے واقف کروایا۔
انہوں نے مزید بتایا کہ کام کرنے والے مزدوروں کو ماسک اور سینیٹائزر فراہم کئے گئے اور ہر گھنٹے انہیں سینیٹائیزر کا استعمال کرنے کی تاکید کی گئی ہے۔
