تاریخی مقامات کھلنے سے ٹورسٹ گائیڈ کے چہروں پر خوشی

تاریخی شہر حیدرآباد کو عمارتوں کا شہر بھی کہا جاتا ہے۔ حیدرآباد میں کئی عمارتیں تعمیر کی گئی ہیں، جن میں سب سے خوبصورت اور دنیا کی نایاب عمارت چارمینار اور قلعہ گولکنڈہ ہے۔

کورونا وائرس کی وباء کے پیش نظر ان سیاحتی مقامات کو بند کر دیا گیا تھا۔ ان میں قلعہ گولکنڈہ، چارمینار اور دیگر مقامات بھی شامل تھے۔ 110 دن کے بعد تاریخی مقامات چارمینار اور گولکنڈہ سیاحوں کے لیے دوبارہ کھول دیا گیا۔

ان تاریخی عمارتوں کے کھلنے سے جہاں ٹورسٹ گائیڈ خوش ہیں وہیں انہیں اس بات کی مایوسی ہے کہ سیاح ندارد ہیں۔

قلعہ گولکنڈہ میں داخلے کے لیے ماسک لگانا ضروری ہے،سیناٹائیزر کا معقول انتطام کیا گیا ہے۔ قلعہ گولکنڈہ میں سماجی دوری کے مدنظر روزانہ محض دو ہزار سیاحوں کو ہی داخلے کی اجازت ہے۔

غورطلب ہے کہ سیاحوں کے لیے ٹکٹ آن لائن فروخت کیے جا رہے ہیں، جس سے عوام کو کافی مشکلات کا سامنا کرنا پڑا ہے۔

اب دیکھنا ہے کہ گائیڈ جس کا سیاحوں کا روزگار وابستہ ہے، ان کے لیے حالات سازگار کب تک ہو سکتے ہیں، جس سے ان کے روزی روٹی کا انتظام ہو سکے۔

تین ماہ کے بعد گائیڈس روزگار کے لئے صبح 7 بجے سے گولکنڈہ کی گیٹ کے پاس انتظار میں ہیں۔