تلنگانہ الیکشن کمشنر پارتھا سارتھی نے آج گریٹر حیدرآباد میونسپل کارپوریشن کے انتخابات کا اعلان کرتے ہوئے نوٹیفکیشن جاری کردیا۔ حیدرآباد میں ایک پریس کانفرنس سے خطاب کرتے ہوئے پارتھا سارتھی نے انتخابات سے متعلق تمام تفصیلات سے واقف کروایا۔
تلنگانہ اسٹیٹ الیکشن کمشنر نے بتایا کہ جی ایچ ایم سی انتخابات یکم دسمبر کو منعقد ہوں گے جبکہ 4 دسمبر کو ووٹوں کی گنتی ہوگی۔ انہوں نے کہا کہ 18 تا 20 نومبر نامزدگیاں داخل کی جاسکتی ہیں، 21 نومبر کو نامزدگیوں کی جانچ کی جائے گیہوگی اور 22 نومبر کو دوپہر 3 بجے تک نامزدگیاں واپس لی جاسکتی ہیں۔
انہوں نے اعلان کیا کہ اس بار جی ایچ ایم سی انتخابات بیلٹ باکس کے ذریعہ ہوں گے اور میئر کا عہدہ خاتون امیدوار کےلیے مختص رہے گا۔
جی ایچ ایم سی انتخابات کے اعلان ک ساتھ ہی تمام سیاسی دفاتر پر سیاسی سرگرمیاں شروع ہوگئیں اور بی فارم حاصل کرنے کے خواہشمند پارٹی دفاتر پر جمع ہوگئے۔
