گریٹر حیدرآباد میونسپل کارپوریشن انتخابات کے لیے مجلس اتحادالمسلمین کی جانب سے حلقہ کاروان میں ایک بائیک ریلی نکالی گئی جس میں رکن اسمبلی کاروان نے شرکت کی اور رائے دہندوں سے مجلس کے حق میں ووٹ دینے کی اپیل کی۔
جی ایچ ایم سی انتخابات: حلقہ کاروان میں مجلس کی انتخابی مہم
حلقہ کاروان میں مجلسی امیدواروں کے لیے انتخابی مہم کے تحت کوثر محی الدین کی صدارت میں ایک بائیک ریلی نکالی گئی جس میں سینکڑوں کارکنوں نے شرکت کی۔ ریلی کا آغاز مغل نگر رنگ روڑ ہوا جبکہ ریلی لنگر حوض، گولکنڈہ، ٹولی چوکی سے گذرتے ہوئے حکیم پیٹ پر اختتام عمل میں آیا۔
اس موقع پر کوثر محی الدین نے عوام کو مجلسی امیدواروں کو بھاری اکثریت سے کامیاب بنانے کی اپیل کی۔ انتخابی مہم کا آج آخری دن تھا تاہم یکم دسمبر کو ووٹنگ ہوگی۔
