آندھرا پردیش کے وجے واڑہ شہر میں بڑھتے کورونا کیسز کے پیش نظر ونایک چویتی کے تہواروں کی اجازت نہیں ہے۔ شہر کے کمشنرپولیس بتینا سرینواسولو نے لوگوں کو اپنےاپنےگھروں میں ہی پوجا کرنے کا مشورہ دیا۔ کمشنر نے کہا کہ جلسے جلوسوں کی اجازت نہیں دی جائے گی۔ انھوں نے عوام سے ہدایات پر عمل کرتے ہوئے تہوار منانے کی اپیل کی۔
واضح رہے کہ اس بار حیدرآباد کے خیرت آباد میں گنیش منڈپ میں ہونے والی تقاریب کو سادگی سے منانے کا فیصلہ کیا گیا ہے۔ اس منڈپ میں شرکت کے لیے آندھرا اور تلنگانہ سے لوگ کثیر تعداد میں ہر سال آتے ہیں مگر اس بار لوگوں سے شرکت نہ کرنے کی اپیل کی گئی ہے۔
