'نئے موٹر وہیکل ایکٹ پر محکمہ کے احکامات کے بعد عمل'

تلنگانہ میں نئے موٹر وہیکل ایکٹ پر محکمہ ٹرانسپورٹ کے احکام کے بعد عمل  کیاجائے گا۔'

ریاست تلنگانہ میں نئے موٹر وہیکل ایکٹ کی شق پر تلنگانہ میں ہنوز عمل نہیں کیا گیا ہے، کیونکہ ریاستی ٹرانسپورٹ ڈپارٹمنٹ کی جانب سے اس تعلق سے کوئی بھی احکام جاری نہیں کئے گئے ہیں۔
حیدرآباد کے ایڈیشنل کمشنر پولیس (ٹریفک) انل کمار نے بتایا کہ حیدرآباد اور تلنگانہ بھر میں نئے موٹر وہیکل ایکٹ 2019کی شق پر عمل، اس سلسلہ میں محکمہ ٹرانسپورٹ کی جانب سے احکام جاری کرنے کے بعد کیاجائے گا۔
انہوں نے کہا کہ حیدرآباد ٹریفک پولیس نے اس مہم کا آغاز کیا ہے، تاکہ عوام کو اس ایکٹ کے شق کے بارے میں بیدار کیاجاسکے۔
اس ایکٹ کو پارلیمنٹ میں منظوری دی گئی تھی۔
انہوں نے کہا کہ اس ایکٹ کی منظوری کے فوری بعد حیدرآباد ٹریفک پولیس نے مہم کی شروعات کی تاکہ عوام کو اس ایکٹ کے مختلف شق کے بارے میں بتایا جاسکے۔
انہوں نے کہا کہ اہم مقامات پر پوسٹرس بھی لگائے جارہے ہیں جس میں اس نئے ایکٹ کے شق کو اجاگر کیاجارہا ہے۔
انہوں نے ٹریفک قوانین پر عمل کرنے کا عوام کو مشورہ دیتے ہوئے کہا کہ یہ قواعد سماج کے مفاد میں ہی تیار کئے گئے ہیں۔