تلنگانہ میں نئے ریونیو قانون کی حمایت میں وزیر ٹرانسپورٹ پی اجئے کمار کی قیادت میں کسانوں کی جانب سے ٹریکٹر ریلی نکالی گئی۔
کھمم اسمبلی حلقہ کے رگھوناتھ پالیم منڈل میں سینکڑوں کسانوں نے ریلی میں حصہ لیا۔اس منڈل کے منچوکونڈو دیہات کے کھمم ٹاون سے بڑے پیمانہ پر ریلی نکالی گی۔
اس موقع پر کسانوں نے میڈیا سے بات کرتے ہوئے ریاست میں نئے ریونیو ایکٹ کی منظوری پر مسرت کا اظہار کیا۔انہوں نے نشاندہی کی کہ قبل ازیں یہ قانون نہ ہونے کی وجہ سے کسانوں کو اراضیات کے کئی مسائل کا سامناکرناپڑتا تھا۔انہوں نے اس قانون کو تاریخی قرار دیا۔
دوسری طرف ضلع محبوب نگر میں بھی کسانوں نے اس ایکٹ کی منظوری کی ستائش کی۔سرکن اسمبلی شنکر نائیک کی نگرانی میں کسانوں نے اس ایکٹ کی منظوری پر مسرت کا اظہار کرتے ہوئے ٹریکٹرریلی نکالی اور وزیراعلی کے پورٹریٹ کو دودھ سے نہلایا گیا۔
