کووڈ۔19 ٹیسٹ سینٹر پر سہولت کا فقدان، مریض پریشان

تلنگانہ میں کورونا وائرس سے سینکڑوں اموات ہورہی ہیں۔ حیدرآباد میں روزانہ ایک ہزار سے زیادہ کورونا کیسز درج ہو رہے ہیں۔

ریاست تلنگانہ میں کورونا مریضوں کی تعداد میں تیزی سے اضافہ ہوتا جا رہا ہے، جس کے سبب لوگوں میں خوف کا ماحول ہے۔

حیدرآباد کے مختلف دواخانوں میں کورونا وائرس کی جانچ کی جارہی ہیں۔ تارخی چار مینار کے دامن میں نظامی طبی ہسپتال میں روزانہ ہزاروں کورونا وائرس کے مریضوں کی جانچ کی جارہی ہے۔ لیکن ہسپتال میں ایک ہی سینٹر ہونے کے سبب مریضوں کو سخت مشکلات کا سامنا کرنا پڑ رہا ہے۔

صبح آٹھ بجے سے شام پانچ بجے تک کورونا وائرس ٹیسٹ کیا جا رہا ہے۔ مریضوں کے لئے بنیادی سہولتیں فراہم نہیں ہے، انہیں کئی گھنٹے تک طویل قطار میں کھڑا ہونا پڑ رہا۔