تلنگانہ کے وزیر افزائش مویشیاں ٹی سرینواس یادو نے کہا ہے کہ ہر استفادہ کنندے کو ڈبل بیڈروم مکان فراہم کیاجائے گا۔
وزیر موصوف نے حیدرآباد کے حلقہ اسمبلی صنعت نگر میں حکومت کی جانب سے غریبوں کے لئے تعمیر کئے جانے والے ڈبل بیڈروم مکانات کا معائنہ کیا۔یہ مکانات وزیراعلی کے چندرشیکھرراو حکومت کی باوقار ڈبل بیڈروم اسکیم کے تحت تعمیر کئے جارہے ہیں۔
یہ بھی پڑھیں:تلنگانہ: دو اضلاع کے نام تبدیل کرنے کے سلسلہ میں اعلامیہ جاری
وزیر موصوف بدھ کو صنعت نگر کے بنڈامیسماں نگر پہنچے جہاں ٹی آرایس کے رہنماوں اور کارکنوں کے ساتھ ساتھ ان کے حامیوں نے ان کا شاندار استقبال کیا۔انہوں نے اس موقع پر کہا کہ آنے والے دسہرہ تک ان مکانات کی تعمیر کی تکمیل کرتے ہوئے دیوالی تک 336مکانات استفادہ کنندگان کے حوالے کئے جائیں گے۔انہوں نے کہاکہ بستی کے مکانات کو ڈبل بیڈروم مکانات میں تبدیل کرنے سے ان مکانات کی قدر میں اضافہ ہوگیا ہے۔
یواین آئی
