تلنگانہ کے وزیر خزانہ ہریش راؤ نے الزام عائد کیا کہ مرکزی حکومت کے فیصلوں کے نتیجہ میں عوام کو مشکلات کا سامنا ہے۔ دھان کی خریدی کے معاملہ میں مرکز نے جو غیردانشمندانہ فیصلہ کیا ہے اس کے نتیجہ میں کسانوں اور زرعی شعبہ کے مسائل میں اضافہ ہوگا۔ Harish Rao on Modi Government
میڈیا کے نمائندوں سے بات کرتے ہوئے ہریش راؤ نے کہا کہ مرکز کی بی جے پی حکومت نے گزشتہ آٹھ برس میں اپنے فیصلوں کے ذریعہ سماج کے ہر طبقہ کی مشکلات میں اضافہ کیا ہے۔ Difficulties for every Section of the Society زرعی شعبہ کو کارپوریٹ گھرانوں کے حوالے کرنے کےلیے نریندر مودی حکومت نے منصوبہ بندی کی ہے اور یہی وجہ ہے کہ مودی حکومت کو کسانوں کی ناراضگی کا سامنا ہے۔ انہوں نے کہا کہ تلنگانہ کے ساتھ ناانصافیوں کے باوجود ریاست ترقی کی راہ پر گامزن ہے۔
یہ بھی پڑھیں: Kumaraswamy Meeting with KCR وزیراعلی تلنگانہ سے کمارا سوامی کی ملاقات
ہریش راؤ نے دھان کی خریدی سے متعلق مرکزی حکومت کے حالیہ فیصلہ کا حوالہ دیا اور کہا کہ تلنگانہ میں کسانوں سے دھان کی خریدی سے انکار مرکز کو مہنگا پڑے گا۔ انہوں نے کہا کہ مرکز نے اس مسئلہ پر گمراہ کن بیانات جاری کئے ہیں۔ ہریش راؤ نے بتایا کہ وزیراعلی کے چندر شیکھر راؤ عنقریب سنگاریڈی ضلع کا دورہ کریں گے۔ سنگاریڈی میڈیکل کالج کی تقریب سنگ بنیاد میں شرکت کریں گے۔ پٹن چیرو میں 300 بستروں کے ہاسپٹل کی تعمیر کا آغاز ہوگا۔ دونوں مقامات پر وزیراعلی جلسوں سے خطاب کریں گے۔
