تلنگانہ سکریٹریٹ کی قدیم عمارتوں کو منہدم کرنے کے خلاف تلنگانہ کانگریس کے کارگذار صدر و رکن پارلیمنٹ ریونت ریڈی کی جانب سے داخل کردہ عرضی کی سماعت چینئی کی نیشنل گرین ٹریبونل نے کی۔
اس موقع پر اس گرین پینل نے ان عمارتوں کو منہدم کرنے کے اثرات ماحولیات پر پڑنے کا جائزہ لینے کے لئے کمیٹی کی تشکیل عمل میں لائی اور ہدایت دی کہ اندرون دو ہفتے رپورٹ پیش کی جائے۔
مزید پڑھیں: کے سی آرسکریٹریٹ کی نئی عمارت کے ڈیزائن کو حتمی شکل دیں گے
اس کمیٹی میں مرکزی وزارت ماحولیات، سنٹرل پولیوشن کنٹرول بورڈ، آئی آئی ٹی حیدرآباد، تلنگانہ پولیوشن کنٹرول بورڈ کو شامل کیاگیا ہے۔
ٹریبونل نے احکامات کے مطابق اقدامات کرنے کی چیف سکریٹری کو ہدایت دی۔ اس معاملہ کی آئندہ سماعت 25 ستمبر تک ملتوی کردی گئی۔
