کمیونسٹ پارٹی آف انڈیا کے رہنماؤں نے الیکشن کمیشن پر غفلت برتنے کا الزام عائد کرتے ہوئے کہا کہ جی ایچ ایم سی انتخابات میں بیلٹ پیپر پر سی پی آئی کے نشان کے بجائے سی پی ایم کا نشان چھاپا گیا ہے۔
ای ٹی نرسمہا سکریٹری حیدرآباد سی پی آئی نے کہا کہ 'اولڈ ملک پیٹ ڈویژن 25 اور تارناکہ ڈیویژن 143 کے بیلٹ پیپرس میں انتخابی نشان کو غلط چھاپا گیا جس کی وجہ سے ووٹرز کو کافی مشکلات پیش آئیں۔'
انہوں نے انتخابات کو منسوخ کرتے ہوئے دوبارہ انتخاب کرانے کا مطالبہ کیا۔
سی پی آئی سٹی ایکزیکیٹیو ممبر اور حلقہ اسمبلی ملک پیٹ کے انچارج عبدالمنان نے بتایا کہ سی پی آئی کا انتخابی نشان 'درانتی اور بھٹا' ہے جبکہ بیلٹ پیپر پر درانتی اور ہتھوڑا کا نشان چھاپا گیا جو کہ سی پی ایم کا نشان ہے۔ انہوں نے الیکشن کمیشن کی جانب سے برتی گئی غفلت پر تنقید کرتے ہوئے انتخابات کو دوبارہ منعقد کرنے کا مطالبہ کیا۔ اس موقع پر سی پی آئی اسٹیٹ کونسل ممبر سید ولی اللہ قادری بھی موجود تھے۔
