اقلیتوں کو خود کفیل بننے میں تعاؤن کرنے والا ادارہ تلنگانہ اقلیتی مالیاتی کارپوریشن میں صدر نہ ہونے کے باعث گزشتہ چند ماہ سے مکمل غیر کارکرد ہے۔
مارچ میں صدر اقلیتی مالیاتی کارپوریشن اکبر حسین کی میعاد مکمل ہونے کے بعد ادارہ کو نئے صدر کا انتظار ہے۔ لاک ڈاؤن کے باعث اس عمل کو روک دیا گیا تھا تاہم عوام اور سیاسی رہنما اس عہدے کو پر کرنے کا مطالبہ کررہے ہیں۔
اقلیتی مالیاتی کارپوریشن سے نوجوانوں کو امیدیں وابستہ ہیں جو ان کے کاروبار کے آغاز میں معاؤن ثابت ہو سکتا ہے۔
ایک نوجوان نے ای کامرس اسٹارٹ اپ کے آغاز کی خواہش ظاہر کرتے ہوئے بتایا کہ اس سلسلے میں نوجوان نے گزشتہ سال درخواست بھی داخل کی تھی لیکن کارپوریشن کی جانب سے اب تک کوئی اطلاع نہیں دی گئی۔
ریاستی بی جے پی رہنما میر فراست علی باقری نے حکومت پر اقلیتی اداروں کو نظر انداز کرنے کا مطالبہ کرتے ہوئے اقلیت دوست ہونے کا دعوی کرنے والی حکومت سے جلد از جلد کارپوریشن میں صدر کا تقرر عمل میں لانے کا مطالبہ کیا۔
