حیدرآباد کے ایک ہسپتال کے خلاف حکومت نے کاروائی کی ہے۔
تفصیلات کے مطابق حیدرآباد کے سوماجی گوڑہ میں واقع دکن ہسپتال میں کورونا مریضوں سے زیادہ فیس وصول کی گئی۔ جس کے بعد حکومت نے مذکورہ ہسپتال کو احکام جاری کرتے ہوئے دکن ہسپتال میں کورونا کے علاج کی اجازت کو منسوخ کردیا۔ نئے کورونا مریض کو ہسپتال میں داخل نہ کرنے کی ہدایت دی گئی۔ اور انتظامیہ کو پابند کیا کہ حکومت کی جانب سے تعین کردہ فیس اس وقت زیرعلاج مریضوں سے لی جائے۔
ڈائریکٹر برائے صحت عامہ کی جانب سے اس سلسلے میں مذکورہ ہسپتال کو نوٹسز موصول ہوئی ہیں۔
