تلنگانہ کے وزیر اعلیٰ کے چندر شیکھر راؤ نے کہا ہے کہ دلت عیسائیت میں تبدیل ہورہے ہیں کیونکہ انہیں معاشرے میں عزت واحترام کرنے سے انکار کیا جارہا ہے۔
تلنگانہ کے کاماریڈی میں جلسہ عام سے خطاب کرتے ہوئے تلنگانہ کے وزیر اعلیٰ نے کہا، "بھارت میں غربت اب بھی موجود ہے اور اس ملک میں ابھی بھی دلتوں کی صورتحال کو بہتر بنانے کی ضرورت ہے۔"
کے سی آر نے کہا ، "اگر دلت عیسائیت کو اپنا رہے ہیں، تو یہ پھر ہمارا قصور ہے کہ ہم ان کی حفاظت کرنے سے قاصر ہیں۔ جیسے ہی وہ عیسائیت قبول کرتے ہیں، انہیں یہ احترام مل رہا ہے جو انھیں ایک دلت کی حیثیت سے نہیں ملا۔"
ان کا مزید کہنا تھا کہ وہ خود ہندو ہیں اور برا محسوس کرتے ہیں جب وہ دیکھتے ہیں کہ دلت غربت کی وجہ سے اب بھی مناسب زندگی گزارنے سے محروم ہیں۔ انہوں نے مزید کہا، "اس ملک کے ہر فرد کو ان غریبوں اور دلتوں کو غربت سے نکلنے میں مدد کے لئے آگے بڑھنا چاہئے۔"
یہ بھی پڑھیں:'وشاکھا پٹنم آئی ٹی مرکزبنے گا':۔ وزیراعلیٰ آندھراپردیش
