سائبر آباد پولیس کمشنر سجنار کا تبادلہ کر دیا گیا ہے۔ حکومت نے انہیں آر ٹی سی کے ایم ڈی کے طور پر تبادلے کے احکامات جاری کیے ہیں۔ 18 مارچ 2013 کو سائبر آباد سی پی کا عہدہ سنبھالنے والے سجنار نے اپنی الگ پہچان بنائی۔ انہوں نے سوسائٹی فار سائبر آباد سیکورٹی کونسل کے زیراہتمام کئی پروگرامز منعقد کئے اور لاک ڈاون کے دوران مہاجر مزدوروں کو ان کے آبائی مقامات پر منتقل کرنے میں بھی پہل کی تھی۔
یہ بھی پڑھیں:تلنگانہ: سڑک حادثے میں لڑکی ہلاک، دیگر تین ساتھی شدید زخمی
مذکورہ پولیس افسر نے کووڈ مریضوں کو مناسب طبی دیکھ بھال فراہم کرنے کے لیے مفت آکسیجن کنسنٹریٹرز فراہم کیے۔ سجنار نے کورونا کے دوران بلڈ بینکوں میں اسٹاک ختم ہونے پر ایک سال کے دوران 3 بار پولیس عہدیداران کےلیے خون کے عطیہ کا کیمپ منعقد کیا تھا اور 5000 یونٹ سے زائد خون جمع کیا جبکہ اس کا ریڈ کراس بلڈ بینکوں کو عطیہ دیا گیا۔
وی سی سجنار خواتین اور بچوں کی حفاظت کے مسائل پر توجہ دینے کے لیے جانے جاتے ہیں۔ انھوں نے جنسی زیادتی، ایسیڈ حملہ جیسے واقعات میں ملوث مجرمین کو گرفتار کرنے اور سزا دلانے میں اہم کردار ادا کیا۔
