ریاست تلنگانہ کے شہر حیدرآباد میں واقع تاریخی تالاب حسین ساگر کے اطراف میں موجود روڈ کو نیکلس روڈ کے نام سے پہنچانا جاتا تھا ۔لیکن اب تلنگانہ کے وزیراعلی کے چندر شیکھر راؤ نے اس روڈ کا نام بدل کر سابق وزیراعظم پی وی نرسمہا راؤ روڈ کے نام سے موسوم کردیا ہے اور ساتھ میں روڈ کے اطراف نئے بورڈ بھی نصب کردئیے گئے ہیں۔
وہیں حکومت کے اس فیصلے پر تنقید کرتے ہوئے مجلس بچاؤ تحریک کے ترجمان امجد اللہ خان نے کہا کہ ٹی آر یس پچھلے کئی سالوں سے بی جے پی کے ہر ایجنڈے کی تائید کرتے آ رہی ہے۔
انہوں نے کہا کہ وزیر اعلیٰ کے چندرشیکھرراؤ اپنے فارم ہاؤس اور اپنے بچوں کے نام تبدیل کرکے ان کا نام پی وی نرسمہا راؤ رکھ لیں۔
انہوں نے مزید کہا کہ حیدرآباد کے مسلم قائدین خاموش ہیں اور جو مسلم تنظیموں نے انتخاب میں ٹی آر یس کی تائید کی تھی وہ تنظیمیں بھی خاموش ہیں، امجد اللہ خان نے اس موضوع پر جماعت اسلامی کی خاموشی پر غصہ کا اظہار کیا-
