تلنگانہ سی پی ایم کے سکریٹری ٹی ویرابھدرم نے کہا کہ پارٹی کا مقصد بی جے پی کو شکست دینا ہے۔ انہوں نے واضح کیا کہ ان کی پارٹی منوگوڑو اسمبلی حلقہ کے ضمنی انتخابات میں بی جے پی پارٹی کو شکست دینے کے لیے ٹی آر ایس پارٹی کے امیدوار کی حمایت کررہی ہے۔ CPIM Aims to Defeat BJP in Munugodu
انہوں نے بدھ کو نلگنڈہ ضلع کے پوٹاپاکا گاؤں میں سی پی ایم کے اجلاس سے خطاب کرتے ہوئے کہاکہ بی جے پی گزشتہ 8 سال سے آئینی حقوق اور سرکاری اداروں کو فروخت کرکے ملک پر حکومت کر رہی ہے۔اس ملک میں زمانہ قدیم سے تمام مذاہب کے لوگ آباد ہیں۔ انہوں نے بی جے پی پر فرقہ وارانہ فساد بھڑکانے کا الزام لگایا اور کہا کہ بی جے پی ریاست میں فرقہ وارانہ فساد پیدا کرنے کی کوشش کر رہی ہے۔ CPIM on Munugodu by Election
انہوں نے کہا کہ بی جے پی حکومت کو تلنگانہ کی آزادی کی تقاریب منعقد کرنے کا کوئی حق نہیں ہے۔ مرکز ریاستوں کے تمام حقوق چھین کر آمرانہ حکومت چلا رہا ہے۔ انہوں نے کہا کہ ان کا ایجنڈا تلنگانہ کی سرزمین پر بی جے پی کو روکنا ہے۔ انہوں نے کمیونسٹ لیڈروں اور کارکنوں پر زور دیا کہ وہ اس ضمنی انتخاب میں ٹی آر ایس امیدوار کی حمایت کریں اور ٹی آر ایس کی جیت کے لئے کوششیں کریں۔
یواین آئی
