کورو وائرس: میڈیکل فضلا سے متعلق پولیوشن کنٹرول بورڈ کا انتباہ

ملک بھر میں کورونا وائرس کی وبا کے معاملات میں اضافہ ہو رہا ہے جبکہ اس کی وجہ سے بائیو میڈیکل فضلا بھی کافی مقدار میں جمع ہو رہا ہے۔

سنٹرل پولیوشن کنٹرول بورڈ نے وبائی بیماری سے متعلق انتباہ دیا ہے کہ اگر فضلا کی ہسپتالوں سے 48 گھنٹوں کے اندر نکاسی نہ کی جائے تو اس کے خطرناک نتائج برآمد ہوسکتے ہیں۔

بورڈ نے ہسپتالوں کےلیے مختلف ہدایات جاری کرتے ہوئے کہا کہ کوویڈ19 کے مریضوں کےلیے استعمال کئے جانے والی چیزوں کو دوسرے طبی آلات سے الگ رکھیں۔

تلنگانہ کے چیف سکریٹری نے بلدیات کے کمشنرس کو مریضوں کی استعمال شدہ اشیا منتقل کرنے کے دوران احتیاط برتنے کی ہدایت دی۔

کوڑے کو جلانا یا اسے زمین کے اندر دفن کرنا بھی ضروری قرار دیا گیا ہے۔

کیرالا پولوشن کنٹرول بورڈ نے ڈبلیو ایچ او اور آئی سی ایم آر کے رہنمایانہ ہدایات کے مطابق ہسپتالوں کو فضلا سے نمٹنےکےسلسلہ میں تجاویز پیش کی ہیں۔