تلنگانہ میں دسویں جماعت کے امتحانات ملتوی

ڈائرکٹر سرکاری امتحانات تلنگانہ نے 31مارچ تا 6اپریل ہونے والے دسویں جماعت کے امتحانات کو ملتوی کردیا ہے۔

ریاست میں لاک ڈاون کی صورتحال کے نتیجہ میں یہ قدم احتیاطی طورپر اٹھایاگیا ہے۔قبل ازیں تلنگانہ ہائی کورٹ کی ہدایت پر دسویں جماعت کے امتحانات جو 23مارچ سے 30مارچ کے درمیان ہونے والے تھے کو بھی ملتوی کیاگیاتھا۔ڈائرکٹر سرکاری امتحانات اے ستیہ نارائنا نے کہا کہ دسویں جماعت کے امتحانات اور دیگر امتحانات کی نظر ثانی شدہ تواریخ کا جلد اعلان کیاجائے گا۔